204 / 256
204
Қазыбек Иса Жарылқасынұлы,
Халықаралық Алаш сыйлығының
лауреаты, ҚР Мәдениет қайраткері,
Алматы қаласы.
Мінәжат
Рахым тілеп, Өзіңнен Құдіреттім!
Тар жер менен бар жерде күбір еттім!..
Құран медет болады бар адамға,
Бір Алла деп жүректен жыр үдеттім!..
Рахымды Алла!
Ең Ұлы Құдіреттім!
Табындырып әр діндік дарындарды,
Қабылдады барлығы нанымды алғы.
Лә иләhә илләллаh – арым мәңгі!
Тау мен тасқа соғылған маңдайыммен,
Жайнамазға жығылып жаным қалды!..
Лә иләhә илләллаh - арым мәңгі!
Ғажайыбын исламның жайған аз ба ән,
Басты ілімді бастай бер,жайлап аздан...
Жалғандықтан қысылып жаhандағы,
Жаным менің жай тапты жайнамаздан...
Әуейі боп кетпегін әр елеске,
Намаз ғана Тәубеңді салады еске...
Тұла бойға тұнатын шымырлатып,
Азан даусы - ең ұлы ән емес пе?!..
Бар Ақиқат осында бар емес пе?!..
Жүрегіңе жүк түссе мың азаптық,
Бір Аллаға сиынғын мінәжат қып.
Күйкі тірлік күйбеңі күйреп түсіп,