105 / 256
105
Таңдаулы діни өлеңдер
Шынайышексіз шебер раббым Алла
Шын мұсылман бақыттан жаңылар ма!?
Жалғыз АЛЛА лайық тек табынарға.
Барлық мақтау тек қана АЛЛАға тән,
Шынайы шексіз шебер раббым АЛЛА.
Қорғаушы да, қамқоршы бағым АЛЛА!
Тірегім де, сүйенер барым АЛЛА.
Жоқтан барды жасаған, шексіз құдірет,
Шынайы шексіз шебер раббым АЛЛА.
Патшалардың патшасы тағыда АЛЛА!
Жалғыз АЛЛА лайық тек бағынарға.
Мейіріммен жаратқан бар ғаламды,
Шынайы шексіз шебер раббым АЛЛА.
Қуаныш пен қайғыда жарым АЛЛА!
Шынайы пәк, шынайы әділ АЛЛА.
Шексіз ризық беруші, жарылқаушы,
Шынайы шексіз шебер раббым АЛЛА.
Ол-естуші, біледі бәрін АЛЛА,
Ол-көруші, мәртебелі, тәңір АЛЛА.
Одан асқан биік жоқ,одан ұлық,
Шынайы шексіз шебер раббым АЛЛА.
АЛЛА демей шын бақыт табылар ма!?
Иман оты жүректе жағылар ма.
Кешірімді, ғаламға нұрын төккен,
Шынайы шексіз шебер раббым АЛЛА.