39 / 256
39
Ынталандыру сыйлығының иегері
Алмас Темірбай,
Көкшетау қаласы
ДҰҒА-ТІЛЕК
Кешіре гөр құлыңды, Алла,
Қолын жайып тұрған мына.
Зорға жеттім осы күнге,
Тұла бойым ─ тұнған күнә!
Сол күнәдан арылатын,
Ғұмыр берші, уақыт берші.
Үлкен байлық қажет емес,
Бір кішкентай бақыт берші!
«Лә иләһә илла-Аллаһ», ─ деп,
Бір жеңілдеп қалды денем.
Жиған дүнием жұғын болмас,
Иман берші алдыменен...
Қайырмасы:
Құдіретті, қуатты Алла,
Мейірімді, шуақты Алла!
Бұ дүниеде жылатсаң да,
О дүниеде жылатпа, Алла!
Мың көпірден құлатсаң да,
Қылкөпірден құлатпа, Алла!
Жын-шайтанға жуытпа, Алла,
Жүрегімді суытпа, Алла!
Тәубемнен кейде жаңылып,
Пендешілікке салынып,
Мен сені ұмытсам да,
Сен мені ұмытпа, Алла!
Алла, Алла!
Жылау үшін жаратты, Алла,
Жыла, жаным, жыла, жүрек!