44 / 256
44
Ынталандыру сыйлығының иегері
Бауыржан Әліқожа.
әл-Фараби атындағы Қазақ ұлттық
университеті журналистика
факультетінің студенті.
Ақиқат
Уақыттың қатал заңы,
Берілмес мәңгі жастық.
Пенденің татар дәмі,
Жіберер қаңғыбас қып.
Жол кезген диуанасың,
Жалғаннан бақыт іздеп...
Бір жаққа жиналасың,
Жаздан соң тоты күз кеп.
Адамның аяулы ісі,
Күдерді жаннан үзбеу.
Бақыттың баяндысы,
Иманмен Алланы іздеу.
Сұрақ көп сатылатқан,
Ғаламат ғалам мына!
Жаратты-ау топырақтан,
Көркем ғып адамды да.
Тіреусіз анау аспан,
Қандай күш құлатпайтын?!
Құран – шам сананы ашқан,
Бастайды жұмаққа айқын.