41 / 256
41
Ынталандыру сыйлығының иегері
Бағдад Ізмағанбет Мәдиұлы
БҚО, Орал қаласы.
Адамзаттың асыл тәжі
Мұхаммед
Асыл дінді адамзатқа таратқан,
Пайғамбар қып жарылқаған жаратқан
Уа, Мұхаммед, хақ Алланың елшісі,
Адасқанды құбылаға қаратқан!
Үмбетім деп қан жылаған жүрегі,
Болып едің тақуалар тірегі!
Сен арқылы бізге түскен асыл дін
Әлі күнге өлмей өмір сүреді.
Уа, Мұхаммед пайғамбары Жаппардың!
Міндетіңді абыроймен атқардың.
Сәулесі әлі сол заманның өшкен жоқ
Дін Ислам үстем болған шақтардың!
Хадисіңнен танып сенің тұлғаңды,
Жаман әдет былғамады жылғамды.
Сурет емес, мінез-құлқың, сипатың
Көз алдыма көрсетеді сұлбаңды...
Уа, Мұхаммед, сансыз саған салауат!
Атыңды айтып жаңғырады ғаламат.
Адамдықты, имандықты ту қылған
Асыл дінің үмметіңе аманат.