48 / 256
48
Ынталандыру сыйлығының иегері
Жексенбай Қайып-Кәмел
Монғолия. Баян-Өлгий аймағы
Цэнгэл ауылы.
Пайғамбарға арнау
Ізі бөлек, сөзі бөлек басқадан,
Адамзатты тура жолға бастаған,
Ұлы Алланың Расулы Мұхаммед!
Саллаллаһу ғаләйһи уәссәләм!
Азбасын деп адам ата ұрпағы,
Бірге атыпты болашақтың нұр таңы,
Мәуліт күні дүниеге келгенде -
Хабибуллаһ - қос дүние сұлтаны.
Адамзаттың теңдесі жоқ алғыры
Пайғамбармен бірге түскен таң нұры!
Ел рухы шөлдегенде жауыпты -
Әлемдерге рахмет жаңбыры.
Құран үні дүниеге жаңғырды,
Өшіп қалған рухтарды жандырды.
Естілгенде Хақ Тағала әмірі,
Өліп қалған жүректерге жан кірді.
Топастықты қылған кезде ел серік.
Надандықты, жамандықты еңсеріп.
Ұлы Алланың бұйрығына шыдамай,
Хира тауы тіл қатыпты теңселіп.