264 / 520
264
Ислам ғылымхалы
намаздардың қазасын жолаушы болған уақытта оқыса,
қысқартпай толық оқиды.
Қателік сәждесі
(сәһу сәждесі)
Қателік сәждесі намазда жасалынған кейбір
қателіктердің түзетіліп, намаздың дұрыс болуы үшін
намаздың соңында жасалатын қосымша екі сәжде. Адам
намазда жаңылысып намаздың бір парызын кешіктірсе,
немесе артық істесе, яки бір уәжіпті ұмытып тәрк етсе,
кешіктірсе, намаздың ақырында қателесу сәждесін жа-
сайды.
Қателік сәждесі қалай жасалады?
Бұл сәждені жасайтын адам соңғы отырыста әт-
тахиятты оқығаннан кейін екі жаққа сәлем беріп, қайта
«Аллаһу әкбар» деп, екі рет сәждеге барып, қайта отыра-
ды. Одан кейін әрі қарай қайтадан «әт-тахият» дұғасын,
салауат, «Рәббәнә әәтина» дұғасын оқып, екі жаққа
сәлем береді. Егер Имам қателессе, тек қана бір жағына
сәлем беріп, екі сәжде жасайды. Екі жаққа сәлем беретін
болса, жамағат намаз бітті деп ойлап қалып, тұрып кетуі
ықтимал.
Пайғамбарымыз (с.а.у.) былай дейді:
«Кімде-кім
намазда шүбәланса, дұрысы қайсысы екенін ойлап,
намазын қанағаттанған ойына қарай толықтырсын.
Сосын сәлем берсін де, қателік сәждесін жасасын,
яғни жаңылғаны үшін екі сәжде жасасын»
298
. Басқа
бір хадисте: «
Кімде-кім намазын төрт рәкат па, әлде
298
Бухари, Салат, 31.