162 / 216
162
Қажылық
Умра
Умра – кіші қажылық. Умра - жылдың кез-келген
уақытында Меккеге барып, сүбхана Алла тағалаға
құлшылық етіп, қажылық жасау. Умра - қажылық
секілді мұсылманның парызына жатпайды, бірақ умра
жасаған мұсылман сауапқа ие болады, сондықтан
умраны сүннетке жатқызады.
Умра – үш әркәннан (бөлімнен) тұрады: ихрам,
тауаф, сағи.
Ихрам – қасиетті жерге аяқ басып, ақ киім киіп,
сүбхана Алла тағалаға құлшылық ететін хал-күй
екені баршамызға мәлім. Енді ихрамның үш түріне
тоқталайық:
Ифрад – қажылық кезіндегі ихрам хал-күйіне
түсу.
Қиран, оның екі жағдайы бар:
а) Умра мен қажылықты бірге жасауға ниет етіп,
ихрам хал-күйіне түсу.
ә) Алдымен умра жасау үшін ихрам хал-күйіне
түседі, сосын оны қажылық жасауға ниет етіп
жалғастырады.
3) Таматтұғ – қажылық айларына дейін умра жа-
сау үшін ихрам хал-күйіне түсу.