126 / 256
126
Қошқар Қалыбай,
ОҚО, Қазығұрт ауданы,
Бейнеткеш ауылы.
ШЕБЕРДІ ШЕБЕР ДЕГЕНШЕ…
Шеберді шебер дегенше,
Алланы шебер десейші!
Аллаһым сүйген құлына
Рахымын төгер десейші!
Қиналып жүрген жандарға
Исламмен көгер десейші!
Раббымыз әркез жәрдемін
Иманмен берер десейші!
Шеберді шебер дегенше,
Алланы шебер десейші!
Кеудеңде жаның тұрғанда,
Ақырет қамын жесейші!
Елшісі Хақтың — Мұхаммед,
Ілесіп оған көрсейші!
Жәннатқа бастап тұрғасын
Соңына оның ерсейші!
Азанның даусы жеткесін,
Қыблаға жүзің берсейші!
Расулдың сен де үмбеті,
Иманға дереу келсейші!
Намазға тұрып, тәкбір айт,
Рукуғды жасап еңкейші!
Тәкаппар, малғұн — Іблісті
Сәждеге құлап жеңсейші!
Алланың нұры — Құранда,
Құтқарушың сол — сенсейші!