127 / 256
127
Таңдаулы діни өлеңдер
«Оқы!» деп Раббым бұйырған,
Әмірге сен де көнсейші!
Харамнан тыйып бойыңды,
Адалдан ризық терсейші!
Алладан қалай ақ тусаң,
Тазарып солай өлсейші!
Сауаппен сомдап жаныңды,
Күнәнің бәрін көмсейші!
Истиғфар айтып сәт сайын,
Малғұнға жұт боп төнсейші!
«Лә иләһә илләллаһ!»
Деп жаныңды берсейші!
Тозақтың жауып қақпасын,
Жұмаққа барып енсейші!
Қашанғы аңғал болмақсың?!
Расулдай сен де есейші!
Алшаңдап талтаң баспастан,
Бетегеден де пәсейші!
Көркемдеп мінез-құлқыңды
Мұхаммедтей көркейші!
Жаралған ғажап ғаламға
Зейінің бір сәт бөлсейші!
Барлығын шебер жаратқан
Аллаһты ұлық білсейші!
Күніне оқып жүз аят
Құранды төрге ілсейші!
Надандар санын толтырмай
Білімдар болып үлкейші!
Фәниде мейлі, жыласаң,
Махшарда шат боп күлсейші!