135 / 256
135
Таңдаулы діни өлеңдер
Өнері де өте көп.
Шіренгені – үзеңгі,
Түрленгені – текемет.
Ақ киізді төсеуге
Отауы да татиды, ә?!
Күйгендігі – көсеуде,
Сүйгендігі – сақина.
Бала кезден түсінген,
Тиек салмай есікке,
Өз есебі – ішіңде,
Келешегі – бесікте.
Жүрген жері салтанат,
Ол кірмеген майдан аз.
Шалқайғаны – шаңырақ,
Еңкейгені – жайнамаз.
Бір қызық
Алдымнан ақ күн туғызып,
Таңертең ерте тұрғызып,
Шайтанды келген қуғызып,
Қолымды күнде жуғызып,
Балақты жаста жырғызып,
Басымды тасқа ұрғызып,
Жақсымен сұхбат құрғызып,
Мойнымды Хаққа бұрғызып,
Ілгері басқан аяқты
Әдемі жолмен жүргізіп,
Сөздерді жақсы естіртіп,
Істерді ізгі көргізіп,