20 / 256
20
Аллаға мадақ
Саған салауат
Күн көзіне еріген гүл секілді
Жұпарымен орадым жыр-жетімді.
Сұлу көркің әлемге көрсетілді,
Я, Расул, саған салауат.
Алау таңда есімді білмей жандым,
Сұр өмірді өзіңсіз сүрмей қалдым,
Соғысып қап, қайғыға гүлдей жандым,
Я, Расул, саған салауат.
Үмметім деп төгесің жасыңды кіл,
Сағыныштан бұл жасым жосылды бір.
Табаныңа қояйын басымды бір,
Я, Расул, саған салауат.
Саған болсын бар жақсылық
Жұпарың жүрегімді қозғап кетті
Қыс тірлік қапелімде жаз боп кетті.
Шапағатың шертті ме саз боп шекті
Я, Мұхаммәд, саған болсын бар жақсылық.
Парасат, сұлу келбет, сенде қандай
Кәусарыңа жете алмай, шөл де қанбай.
Ұшайын, дүние деген шерде қалмай,
Я, Мұхаммәд, саған болсын бар жақсылық.
Періштелер айналған кұжыраңда,
Мединеңе жете алмай қызығам да.
Алматының батады сызы жанға
Я, Мұхаммәд, саған болсын бар жақсылық