239 / 256
239
Таңдаулы діни өлеңдер
Білім ізден, талап етер жігерлікті,
Қару болар жеңіп шығар мың білекті.
Айналып сол білімің жарық нұрға,
Жол көрсетер жандарға ақ ниетті.
Тырысқын әр сөзіңді амалдауға,
Ерік бер арманыңа, қамауға алма.
Сүңгіп кетпей қиялдың тұнығына,
Қанағат қыл алатын демің барға.
Береке орнар арада бірлік барда,
Бақыт қонар еңбек етіп талмағанда.
Ойланғын, әр ісіңді ақылға сал,
Кеудеңде жастық шақтың оты барда.
Иманды бол, имандылық адамдықтың тұғыры,
Сол арқылы тегіс болар жүрегіңнің жұмыры.
Екі өмірге шырақ болар салиқалы амалың,
Сонда ғана мәнді болар әрбір жанның ғұмыры!