63 / 256
63
Таңдаулы діни өлеңдер
Сол Арды неге былғаймыз?
Жүректі қашан тыңдаймыз?
Танымайтұғын Иесін
Тас керең, соқыр құлдаймыз.
Кеудеңе берген жанды да
Алады Алла,
Қалғыма.
Жер шұқып қалып жүрмейік,
Барғанда ертең алдына.
Таңымыз үшін әр атқан
Аллаға болсын мадақ сан.
Сені де, мені, Оны да
Тамшыдан ғана жаратқан!
Келгенде күні қиямет,
Қалайша құрмет, сый алад,
Алланың аманатына
Жасаған пенде қиянат?!
Бауырым, басың көтерші,
Айтпаған жалған еш Елші.
Шеберді шебер дегенше,
Алланы шебер десеңші!