Пайғамбарларға иман

84 / 120

84
Пайғамбарларға иман
анасының туысы Умми Харам бинти Милһанның (бір
риуаят бойынша Аллаһ елшісінің сүт анасы, басқа
риуаятта анасына туыс болғандықтан, нағашы әпкесі)
алдағы уақытта соғыс сапарына қатысатындығын220
айтуы тұп-тура шықты.221 Бәдір шайқасының алдында
мүбәрак қолымен кейбір жерлерді ишарат етіп:
«Мынау – Әбу Жәһилдің өлетін жері, анау – Утбәнің,
мынау – Шәйбәнің, ал мына жерге Уәлидтің өлігі
тасталады...», – деп, діннің қас дұшпандарының
осы соғыста қай жерде жан тапсыратынын қолмен
қойғандай айтып беруі және сол айтқанының айнымай
келуі оның пайғамбарлығын замандастарының көзінше
паш еткен бір дәлел болды. 222 Пайғамбарымыз (саллаллаһу
аләйһи уә сәлләм) немересі Хасанды меңзеп: «Бұл менің балам
Хасан, ол мырза. Аллаһ онымен екі үлкен жамағатты
татуластырады», 223 – деген еді. Арада ширек
ғасырдан соң пайғамбарымыздың айтқандары келді.
Хазірет Әлиден кейін Әмәуилер Хасанға қарсы шықты.
Жанжалға жаны қас Хасан (р.а.) барлық міндеттерінен
босағанын жария етіп, бір-бірімен айқасуға шақ қалған
Ислам әскерлерін татуластырып, уақытша болса да,
қорқынышты бүліктің бетін қайтарған еді.224
Эфиопия патшасы Нәжаши қайтыс болған күні
пайғамбарымыз (саллаллаһу аләйһи уә сәлләм) сахабаларына:
«Бүгін бауырларыңыздан бірі қайтыс болды. Кәнеки,
намаз оқиық» 225 деп жаназа намазын оқыған еді.
220 Бухари, Табир, 12; Муслим, Имаре, 160
221 Ибн Хажәр, Исабә, ІV/441
222 Муслим, Жәннат, 76-77
223 Бухари, Сүлһ, 9; Ахмад ибн Ханбал, Мүснәд, V/49
224 Ибн Кәсир, әл-Бидайа, 8/45
225 Бухари, Жанаиз, 55