40 / 216
40
Ала жіпті аттама
1. Ата-ана мен баланың ақысы
а) Ата-ананың ақысы
Ата-ананың ақысы өз алдына үлкен тақырып.
Перзенттің ата-анасы алдындағы жауапкершілігі
Аллаһтың парыз еткен ғибадаттарынан кейін тұратыны
баршамызға белгілі. Бұған жүрдім-бардым қараған
адамдардың дүние мен ақыретте тыныштық таппайты-
ны Құран аяттары мен хадистерден белгілі.
Қартайып қайғы ойлаған, бала-шағасының тілеуін
тілегеннен басқа ойы жоқ ақсақал-кейуаналарымызды
қарттар үйіне апарып орналастыру қазіргі күннің өзекті
мәселелерінің біріне айналып отыр. Көнелердің көзіндей
болған қарттарға керегі қарттар үйінің жайлы төсегі
мен жылы-жұмсақ асы емес, бала-шағасының арасында
отырып, солардың қызығын көру болса керек.
Бойындағы қуаты кеміп, өмір базарынан өз
үлесін тауысқан әрбір қарияның арманы - бейнетінің
зейнетін көріп, ұл-қызының ортасында қалған жасын
құрметпен өткізу. Қарттар үйінің терезесінен тысқа
телміріп, немерелерімнің дауысын қашан естимін деп
елеңдеумен күй кешуі - қай қарттың болмасын жанына
түскен жазылмас жара. Осындай қауқарсыз шағында
баласының өзін өмірге әкелген ата-анасына кезінде
өзіне өбектегендей етіп қарау, оларға пана болу -
Аллаһ тағаланың мұсылмандарға берген әмірі. Кезінде
өзін қанаттыға қақтырмай, тұмсықтыға шоқыттырмай
мәпелеп өсірген, мейірлене бауырына басқан ата-
анасының белі бүгілген күнінде керексіз етіп тастап,
қарақан басының қамымен алысып, әке мен шешені
бағуды ауырсыну адамгершілікке жатпайды.