43 / 216
43
Кісі ақысының көп қырлылығы
омыраудан айыру отыз ай...»
(«Ахқаф» сүресі, 15-
аят).
Перзенттің ата-ана алдындағы міндеттері туралы
біршама хадистер келтіре кетейік. Абдуллаһ ибн Мәсғуд
(р.а.) айтады:
«Бірде Аллаһ елшісін
(саллаллаһу аләйһи уә сәлләм)
әңгімеге
тартып:
– Аллаһтың ең ұнатқан амалы қайсы? – дедім.
– Уақытында оқылған намаз, – деп жауап берді.
– Сосын қайсы ғибадат бағалы? – деп сұрадым.
– Анаңа және әкеңе жақсылық жасау және бағыну,
– деді.
– Содан кейінгі ең құнды құлшылық не? – дедім.
– Аллаһ жолындағы жиһад, – деді ол»
30
.
Әбу Хұрайрадан (р.а.) жеткен риуаятта
Пайғамбарымыз
(саллаллаһу аләйһи уә сәлләм)
былай дейді:
«Ешқандай перзент әкесінің ақысын ақтай алмайды.
Тек, әкесі біреудің есігіндегі құлы болса, оның басы-
на азаттық әперген жағдайда ғана біршама өтелгендей
болады»
31
.
Тағы бір хадисте Пайғамбарымыз
(саллаллаһу аләйһи уә сәлләм):
«Әке – жаннаттың ортаңғы қақпасы. Қаласаң оны
тәрк ет, қаласаң сақта»
, – деген
32
.
Анаға құрмет жайлы айтылған мына хадис те
көпшілікке мәлім. Әбу Хұрайрадан (р.а.) жеткен риуа-
ятта бір кісі келіп:
– Уа, Аллаһтың елшісі, кімге жақсылық жасайын?
– деп сұрады. Аллаһтың елшісі
(саллаллаһу аләйһи уә сәлләм):
30
Бұхари. Мәуақыт 5, Жиһад 1, Әдеп 1, Тәухид 48; Мүслим. Иман
137-139; Тирмизи. Салат 14, Бирр 2; Нәсаи. Мәуақыт 51.
31
Мүслим. Итқ 25; Әбу Дәуіт. Әдеп 120; Тирмизи. Бирр 8; Ибн
Мажә. Әдеп 1.
32
Тирмизи. Бирр 3.