30 / 36
Қосымша:
Талақ.
Азаматтар отбасын құрып үйленген шақта мәңгілікке
бірге боламыз деп уәделесіп сөз байласады. Алайда,
жаңадан құрылған жанұя босағасын берік етіп, шаңырағын
көтеріп алғанша сан-қилы қиындықты басынан өткереді.
Жұптық өмір тек жақсы күндерден тұрмайтыны белгілі. «Үй
болған соң ыдыс-аяқ сыңғырламай тұрмайды» дегендей,
отбасылық өмірде қуаныш пен қиындық қатар жүреді. Түрлі
сынақтардан сүрінбей өте білген және ерік-жігері мықты жұп
қана жанұясын сақтап қалады. Қиын күндерде қатар тұрып,
түрлі сынаққа сүрінбей төтеп берген, қиын сәттерде бірін-бірі
демеп жігерлендірген елі-зайыптылар шаңырағын аман алып
қалады.
Алайда, бір-біріне деген сезімі сөніп, арада сенімсіздік
пайда болса. қанша әрекет етсе де қарым-қатынас өз қалпына
қайта келмесе. екі жақтың ата-анасы мен ағайын-туысы ерлі-
зайыптыларды жарастыра алмаса, мұның шешімі ажырасу.
Ажырасу − ерлі-зайыптылар бірге тұруы мүмкін болмай,
бұдан әрі жанұя болып тұру екеуіне де немесе біріне зорлық-
зомбылық тигізетін жағдайдағы шешім.
Талақтың үкімі
Талақ та неке сияқты жағдайға қарай кейде харам, кейде
мәкрүһ, кейде уәжіп, кейде мұстахаб болады.
Талақ харам етілген жағдай:
1.
Әйелмен етеккір және босанғаннан кейінгі қан көру
кезеңінде ажырасу.
«Аллаһтың құзырында
адал болған (рұқсат
етілген) алайда қатты
ашуын тудыратын
амал талақ»
30