57 / 208
57
Сахабалар мен табиғиндер сабағы
қажылыққа бару, дін жолында көмек жасауда сауаптың
бәрі сендерден артылмайтын болды», – деп мұңайды.
Осман (р.а.): «Сендер бұған қызыға қарайсыңдар
ғой, түсінгенім?» – деп сұрады. Әлгі кісі басын изеді.
Сонда Осман (р.а.): «Құдай ақы, адамның өзі зәру
бола тұра, Аллаһ жолында жұмсаған бір дирхамы бай-
бақуатты, молшылық заманда берген адамның он мың
дирхамынан артық», – деді.».
Османның (р.а.) жомарттығы
Абдуррахман ибн Хаббаб әс-Сәлами әңгімелеуде:
«Расулаллаһ (с.а.с.) Тәбук соғысына әскер жасақтау
үшін сахабалардан көмек сұрады. Осман (р.а.): «Мен
жәрдемге жүз түйені жүгімен қоса атадым», – деді.
Пайғамбарымыз (с.а.с.) мінберден бір саты төмен
түсіп, жамағатты игі іске ортақтасып, сауап алуға
шақырды. Бұл жолы да Осман (р.а.) суырылып алға
шықты да, «Тағы жүз түйені жүгімен қоса атадым», –
деп уәде берді.
Османның бұл мәрттігіне риза болған
Пайғамбарымыз (с.ғ.с.) қуана дауыстап: «Османның
бұдан кейін жасайтын істері ақыретте табысқа кенелуіне
ешқандай кедергі жасай алмайды», – деп, осы сөзін үш
рет қайталаған еді.».
«Рума» құдығы
Бәшир әл-Әслами әңгімелеуде:
«Мұһажир мұсылмандар көшіп келген алғашқы
күндері Мәдинаның суына үйренісе алмай, кәдімгідей
қиналды.