122 / 152
Ұрлық, алдап-арбау, жезөкшелік сияқты жаман істер-
мен айналыса бастауы (есірткі сатып алу үшін);
Аракідік көз жанары жасаурап, мұрнынан су ағуы;
Қолдың дірілдеуі, көп терлеу, ұйқысыздық, мазасыз-
дық, кенеттен ашуланып, бірден тынышталу;
Оңаша қалу үшін жұрттан жырақтай беру, жанында
өзгелердің болғанын жаратпауы;
Мінез-құлқында құбылмалылықтың байқалуы, тез
ашуланып, мазасыздануы, бір сәтте көңіл-күйінің
көтеріліп шыға келуі;
Оқудағы үлгерімі күрт нашарлап кетуі, достарын жиі
ауыстыруы;
Ештеңеге қызықпау, бұрын қызығып айналысатын
хоббиларының барлығын тастап кетуі;
Тамаққа деген тәбеті төмендеп кетуі, көздері шүңіре-
йіп азып кетуі,
Жиі-жиі өтірік айтуы, үйден ұсақ-түйек нәрселердің
жоғала бастауы, үйде тұрмай белгісіз бір жерге жиі-
жиі кетіп қалуы;
Әжетханада ұзақ уақыт болуы, әжетханадан шыққан-
нан кейін көңіл-күйінің бірден көтіріліп шыға келуі;
Міне, осы аталған белгілердің барлығы балаңыздың
басында бір түйткілдің барын аңғартады. Мұндай жағдай
туа қалған күнде ата-аналар қара күш пен өзімбілемдікке
салғаннан гөрі ақыл-парасатпен баласының бетін
қайтаруға күш салғаны абзал. Қажет болса, психолог
мамандардың көмегіне жүгінген де артық болмайды.
ЕСІРТКІ
Апатқа апарар үш індет
122