72 / 152
майтын жағдайға жетеді. Мұндай жағдайға жеткенде
айналасындағы адамдармен қарым-қатынасы мүлдем
бұзылады. Жеке өмірінің мәні мен сәні қашады. Ішімдікті
тоқтаусыз қолданғандықтан, қызмет орнында бітпейтін
мәселелер басталады. Тіптен көп жағдайда жұмысынан
айырылады. Мұндай жандарға ешбір жерде жауап-
ты қызмет берілмейтіні түсінікті жағдай болса керек.
Маскүнемге айналған жан үшін ішімдік ішу өмірінің
ең маңызды ісіне айналады. Айнала жұрттың пікірлері
мұндай жан үшін екінші кезектегі мәселеге айнала-
ды. Тіптен айналасындағылардың не ойлайтынына бас
қатырып жатпайды. Мұндай жанның алға қойған өмірлік
мақсаты болуы мүмкін емес. Ішкілік ішуден басқа ешбір
істі атқаруға зауқы соқпайды. Жанұясымен, жақын-
жұрағатымен қарым-қатынасы күрт нашарлап, қоғамнан
оқшаулана бастайды. Жол апатына ұшырайтындардың
көбісі – ішімдік қолданғандар. Сонымен қатар, ішімдік
қолдану міндетті түрде адамды түрлі қылмыстарға итер-
мелейтін басты фактор екені белгілі. Міне, осылайша
маскүнем тек өзін құрдымға батырмай отбасынан бастап
тұтас қоғамның маңдайына біткен сорға айналады.
72
АРАҚ
Апатқа апарар үш індет