95 / 152
беру тұрғысынан нәзік жандылардың ерік күші ерлерге
қарағанда әлсіз келетін көрінеді.
– Әйелдер ерлерге қарағанда тез алкоголизмге бой
ұрады. Мамандар мұның бірден-бір себебі ретінде әйел
ағзасындағы су мөлшерінің ерлерге қарағанда 10 пайызға
аз екендігімен түсіндіреді. Сондықтан да ұдайы ішімдік
ішкен әйел 1 жыл мен 3 жыл аралығында-ақ алкоголизмге
толықтай жеңіліп, маскүнемге айналады. Ал ерлердің ал-
коголизмге шалдығу көрсеткіші 5-10 жыл шамасында.
– Әйелдер арасындағы алкоголизмнің соңғы «ас-
қынған» стадиясы ерлерге қарағанда тез басталады.
Сонымен қатар, асқынған алкоголизмге ұшыраған
әйелдерде кісілік мәселелері ушығып, психикалық
ауытқулар пайда болады.
– Әйелдер арасындағы алкоголизмнің әлеуметтік сал-
дарлары ерлерге қарағанда аса ауыр болады. Асқынған
алкоголизм жағдайында әйелдің интеллектуалдық
қабілеті мүлдем төмендеп кетеді. Психикасы өзгеріп,
ашушаңдық, адуындық мінез-құлық пайда болады.
Моральдық тұрғыдан азғындап, теріс жолға түсу қаупі
артады. Мамандар мұны – әйел кісілігінің алкогольдік
деградациясы деп атайды. Әйелде кісілік деградациясы
басталған шақта ар-ұяттан жұрдай болып, жақындарынан
бастап, тұтас қоғамның ызасына тап болады. Өйткені ер
адамның маскүнем болуына белгілі бір деңгейде адам-
дар төзімділік танытады, алайда әйелдердің маскүнем
болуына ет жақындарынан бастап, тұтас қоғам жиреніш-
пен қарап, маскүнем әйелдерді айыптайды. Сондықтан
болса керек, әйелдер арасындағы асқынған алкого-
лизм жағдайларының көбі өзін-өзі өлтіру оқиғаларымен
аяқталады.
95
Апатқа апарар үш індет
АРАҚ