80 / 144
80
БАЛАНЫҢ АТА-АНАНЫҢ АЛДЫНДАҒЫ
МІНДЕТТЕРІ
Адам баласын басқа тіршілік иелерінен
ерекшелейтін негізгі қасиеттердің бірі – ата-анасымен
арадағы қатынасының мәңгілік жалғасуында.
Басқа жан-жануарлар белгілі бір уақытқа дейін ата-
анасының қасында болып, сосын олардан мүлдем
бөлініп кетеді. Ал адам баласының ата-анасымен
байланысы құрсақтағы кезеңнен басталып ақыретте
де жалғасады. Баласының жасаған әрбір жақсылығы
ата-анасы үшін де сауап болып жазылады. Құранды
оқып-үйренген, оны жаттаған, әмірлеріне бойсұнып,
өмірінің негізгі ұстанымдарына айналдырған
жандардың ата-аналарына ақыретте тәж кигізілетіні
хадистерден мәлім. Осылайша ақыретте де арадағы
байланыс жалғаса бермек.
Адам өмірі екі бөлімнен тұрады: бұл дүние және
ақырет. Олай болса ата-анамыз бұл дүниеде өмір
сүріп жатқан кезінде және ақыретке аттанып кеткен-
нен кейін де олардың алдында өтейтін борыштары-
мыз бар.
1. Ата-ананың көзі тірісіндегі борышымыз
Ата-ана алдындағы борыштарымыздың бір бөлімі
олар өмір сүріп жатқан кезеңге қатысты. Сөзіміз,
іс-әрекетіміз және көзқарасымызбен біз олардың
өмірін жұмаққа айналдырсақ – перзенттік борышы-