81 / 144
Баланың ата-ананың алдындағы міндеттері
81
мызды өтеп Аллаһ тағалаға шүкірлік еткен боламыз.
Сонымен қатар Ұлы Жаратушының разылығына
кенелеміз. Ата-анамыздың көзі тірісінде орындайтын
міндеттеріміз төмендегідей:
Ата-анаға жиі барып тұру
Ата-анамыздың көзі тірісінде атқаратын ең
маңызды міндеттеріміздің бірі – егер олардан бөлек
тұратын болсақ, үйлеріне барып, хал-жағдайларын
біліп тұру. Білім іздеп не жұмыс бабымен
олардан
бөлек тұруымыз мүмкін. Ондай жағдайда шамамыз
келгенінше жиі-жиі ата-ананың жанынан табылып
немесе үнемі телефонмен хабарласып, жағдайларын
біліп тұрған абзал. Бала-шағасының жағдайын біліп,
жақсы екенін естігенде олардың қарт жүректері
лүпілдеп, қуанып қалады. Көңілі орнына түсіп, жаны
жай табады. Ал олардың қуанышына себепші болу –
Аллаһ тағаланы қуантумен бірдей.
Ата-анамен байланысты үзіп тастау – жаннат-
тан мақұрым қалудың бір себебі. Сонымен қатар ата-
анасына бұлай жасаған адамды айналасындағылар да
құп көрмейді. Олармен байланысты үзудің жазасын
Аллаһ тағала пендесіне бұл дүниеде де, ақыретте де
тарттырады..
Ата-анаға көмек
Ата-анамыздың көзі тірісінде оларға қолқабыс бо-
лып, қызмет ету, көңілдерінен шығу өте маңызды әрі
діни тұрғыдан парыз. Осылайша
қартайып қаусаған
шағында оларға жайлы өмір жағдайын жасаған бола-
мыз. Мұндай ізгі әрекеттің жаннат қақпасының кілтін
қолға түсіруге себеп болары анық.