113 / 208
113
Тақуалық тәмсілдер
Хасан Басри сөзін жалғап: «Әттең, ол жердегілер
періштенің бұл айтқанын естімейді. Әйтпесе, өлікті
қойып, әркім өзін ойлап жылар еді», – деген.
Неге күле бересің?
Табиғин заманында көп күлетін, жеңілтекмінезді
бір бала болыпты. Бірде Хасан Басри әлгі баладан: «Неге
күле бересің?» – деп сұрағанда, ол қапелімде ештеңеге
түсінбей тұрып қалады.
– Осыншалықты бос күлкі саған жараса ма? Әлде
ақыретте қыл көпірден сүрінбей өтетіндей жағдайың
бар ма?
– ...
– Әлде жұмаққа кіретініңе сенімдімісің?
– ...
– Мүмкін, саған тозаққа түспейтінің анық білдірілді
ме?
– Жоқ.
– Ендеше көп күлу бізге лайық емес.
Хасан Басридің сөзі балаға кәдімгідей ой салады.
Балаға әсер еткені соншалық – ол баланың бұдан кейінгі
өмірінде күлгенін ешкім көрмеген деседі.
Бір түйір харам ас
Баязит Бистами жас кезінде құлшылықтарынан кей-
де ләззат ала алмай жүрді. Бірде анасына барып:
– Кейде өзімді Аллаһтан алыстағандай сезінемін,
бірақ себебі өзіме беймәлім, – деп ішкі сырын айтады.
Анасы ойланып отырып:
– Бір-ақ нәрсе есімде, – деді, – сенің төрт-бес
айлық кезің. Көтеріп алып көрші үйге барғанмын. Сәл
отырғаннан кейін сен жылай бастадың. Мен уатпақ