79 / 192
79
Дін – насихат
сабырмен, шыдаммен, төзіммен ғибадат жасау екі
дүниенің де бақытын ойлаған адамның ісі.
2. Күнәға сабыр
. Негізі күнәларды адам баласына
әшекейлеп көрсететін – шайтан. Бейне бір ішіне у қосып
бал берген секілді. Пайғамбарымыз бір хадисінде:
«Жаннаттың жолы қиындықтармен, тозақтың жолы
нәпсінің қалауларымен көмкерілген», –
дейді.
3. Тағдырға, қиындықтарға сабыр.
Мұсылман
адам «Жазмыштан озмыш жоқ» деп, тағдырдың
жіберген ауыр сынын ризашылықпен қабылдауы керек.
Сабырдың бұл түрі жайлы Пайғамбарымыз:
إنّمَا الصّبْرُ عِنْدَ الصّدْمَةِ اْلأُولَي
«Сабыр − соққының алғаш тиген сәтінде»
, –
деп ескерткен. Иә, осы нәрсеге абай болуымыз керек.
Мәселен, аса қымбат бір затымыздан немесе жақын
адамдарымыздың бірінен айырылып қалғанымызды
кенет естіген мезетте, сол сәтте сабыр ету – сабыр.
Ал ауыртпашылыққа жолыққан кезде айқайлап, боз-
дап, басымызды тасқа ұрып, кейін уақыт өте келе,
бойымыз үйренген соң сабыр шақыру – сабыр емес.
Пайғамбарымыз
«Қапыда сүйіктісінен (перзентінен)
айырылса да сабыр етіп, қарымын Алладан күткен
мүмін құлға Алла, ең жоқ дегенде, жаннатты тарту
етеді, сый-сияпаттың одан төменіне разы болмайды»
деу арқылы ең жақсы көрген ет жақын адамы көз жұмса
да мүмін құлдың сабыр сақтауы керектігін үйретеді.
Сөз соңында айтарымыз, басқа түсетін қиындықтар
мен қасірет-қайғының бәрі мұсылманның түпкі
мақсатымен салыстырғанда түкке де алғысыз. Талап
етілген мәңгі бақи құт мекен – жәннаттың құндылығы