15 / 216
15
І Бөлім
ҚҰҚЫҚ ТҮРЛЕРІ
Кісі ақысының Ислам
дініндегі орны
Исламда адам құқықтарына баса мән берілген
және адам құқықтарының сақталуына барынша жағдай
жасалған. Аллаһ тағала Құран кәрімде былай дейді:
«Бір-біріңнің малыңды нақақтан-нақақ жемеңдер.
Сондай-ақ, адамдардың малының бір бөлігін негізсіз
жейтіндеріңді біле тұра, билерге пара беруге
тырыспаңдар»
(«Бақара» сүресі, 188-аят).
Келесі бір аятта:
«Уа, мүминдер, күмәнның көбінен
сақтаныңдар. Өйткені, күмәнның кейбірі - күнә. Бір-
біріңнің құпияларыңдыжария етпеңдер, біреуді біреу
ғайбаттамасын. Өлген туыстарыңның етін жегенді
қалайсыңдар ма? Әрине, оны жек көресіңдер. Расын-
да Аллаһ тәубені қабыл етуші, ерекше мейірімді»
,
– делінген («Хужурат» сүресі, 12-аят).
Қалай болғанда да адамдардың құқығын аяқ асты
етіп, оларды жәбірлегендер қиянатшылдар санаты-
на жатқызылған. Құран кәрімнің көптеген аяттарын-
да мұндай кесапаттардан сақтандырып, оларды жан
түршігерлік азап күтетінін жеткізген:
«Шынында
адамдарға әділетсіздікжасапжер бетінде кесірлігімен
шектен шыққандардың жауапқа тартылуы лазым.