31 / 112
31
Құрбандық
«Құрбан» сөзінің мағынасы
Араб тілінде құрбан сөзінің мағынасы «жақындау»
деген мағынаны білдіреді. Яғни, пенделік пейілден
арылып, жасаған ізгі амалдармен жүректі тазартып,
Жаратушы иеге бір табан жақындай түсу. Шариғаттағы
мағынасы: «
Құлшылығын орындап, Аллаһ тағалаға
жақындау ниетімен мал cою
» дегенді білдіреді.
Құрбандықтың түрлері
Зулхиджа айының 10,11,12-күндері Меккеде
қажылық жасаушылар құрбан шалғаны секілді басқа
жерлерде де шамасы жеткен мұсылмандар құрбан ша-
лады және бұл үш күн «құрбан күндері» деп аталады.
Қажылық жасаушылардың бұл құрбан күндері шалған
құрбандарына «һәди» құрбаны делінсе, қажылыққа кел-
меген мұсылмандардың өз елді-мекендерінде шалған
құрбандары «ұдһия» құрбаны деп аталады. Сонымен
қатар тек құрбан айт күндерінде емес, қалаған күндері
шалынатын құрбандар бар, олар: ақиқа құрбаны, нәзір
құрбаны және нәпіл құрбандар.