39 / 208
39
Пайғамбарлар парасаты
Үш «әмин»
Кағб ибн Ужра (р.а.) әңгімелеуде:
«Бір күні Аллаһ елшісі мінберге бір саты жоғары
көтерілгенде «Әмин» деді. Екінші басқанда тағы
да «Әмин» деді. Үшіншіде тағы айтты. Мінберден
түскеннен кейін:
– Уа, Аллаһтың елшісі, бүгін сізден бұған дейін
көрмеген қимыл көрдік. Не екенін түсіндірмес пе
екенсіз? – дедім. Сонда ол:
– Жәбірейіл періште келіп: «Рамазанға жете тұра
(ораза ұстап) күнәдан тазармаған адам оңбасын», – деді.
Мен «Әмин» дедім. Екінші сатыға шыққанда, «Сенің
атыңды ести тұра, салауат айтпаған адам оңбасын», –
деді. Мен «Әмин» дедім. Үшінші сатыға шыққанда,
«Әке-шешесі қартайғанда, соларды бағып ризалығын
ала алмаған адам оңбасын», – деді. Мен тағы да «Әмин»
дедім, – деп түсіндірді.».
Сен асықтың
Фәдала ибн Үбәйд (р.а.) әңгімелеуде:
«Аллаһ расулы (с.а.с.) мешітте отыр еді. Бір адам
келді де, намаз оқыды. Бітіргеннен кейін былай деп дұға
етті:
– Я, Аллаһ, мені кешір, маған мейірімді бола гөр!
Мұны бақылап отырған Аллаһ елшісі (с.а.с.):
– Сен асықпа. Намазыңды бітіргеннен кейін алды-
мен жақсылап Аллаһқа мадақ айт, одан кейін маған са-
лауат айт, содан кейін барып тілек тіле, – деді.
Біраздан кейін мешітке тағы бір адам кірді. Нама-
зын бітіргеннен кейін Аллаһқа мадақ айтты, елшісіне
салауат айтты. Мұны да қарап тұрған Пайғамбарымыз
(с.а.с.):