Тағылым таразысы

Тағылым таразысы

Омарға (р.а.) Зейнеп анамыздың бұл жомарттығын

айтқанымызда, «Зейнептен тек осыны күтуге болады»,

– деп разылығын танытты. «Бүкіл ақшаларды садақа

етіп үлестірді деп естідім. Тағы мың дирхам жіберіп

отырмын, бірақ бұл ақшаны өзіңе жарат», – деп сәлем

жолдады.

Алайда Зейнеп анамыз ол ақшаны да жоқ-жітік-

терге таратып жіберді.

Өсиет

Сахабалардан Әнас (р.а.) әңгімелеуде:

«Бірде Сағд ибн Убада (р.а.) Аллаһ елшісін (с.а.с.)

қонаққа шақырды. Дастарханға құрма мен нан қойды.

Артынан сүт әкелді. Пайғамбарымыз (с.а.с.) бәрінен

ауыз тиді. Сөйтті де кетерінде:

«Дастархандарыңнан үнемі салиқалы адамдар дәм

татсын. Аузын бекіткендер үйлеріңнен аузын ашсын.

Періштелер дұға етіп, сіздерге кешірім тілесін», – деп

өсиет айтты».

Айша анамыз бен қызметшісі

Имам Мәлик риуаят етуде:

Айша (р.а.) анамыз ораза тұтқан күні бір кедей

жәрдем сұрап келеді. Үйінде бір жапырақ наннан басқа

азық жоқ еді. Соған қарамастан қызметшісіне: «Келген

адамға үйдегі нанды бер», – деді.

Қызметшісі: «Егер нанды берсек, кешкісін аш жа-

тамыз», – десе де, Айша анамыз қоярда қоймай нанды

әлгі кедейге ұсынды.

Кешкісін біреулер үйіне піскен ет пен нан әкелді.

Айша (р.а.) қызметшісін шақырып алды да: «Ал, бұл нан