Ала жіпті аттама

112 / 216

112
Ала жіпті аттама
Ертеңіне ертемен тағы мешітке бардым. Әлгі жігіт
менен бұрын келіп намазда тұр екен. Намазын бітірген
соң қасына барып:
– Аллаһқа ант етейін, сені жақсы көремін, –
дедім.
– Аллаһ үшін жақсы көресің бе? – деп сұрады.
– Иә, Аллаһ үшін, – дедім.
– Шынымен де Аллаһ үшін жақсы көресің бе? – деп
қайта сұрады.
– Иә, шынымен де Аллаһ үшін жақсы көремін, –
дедім. Сол-ақ екен шап беріп киімімнен ұстап, өзіне
қарай тартты да:
– Құттықтаймын! Пайғамбарымыз (саллаллаһу аләйһи
уә сәлләм) Аллаһ тағаланың былай дегенін айтады: «Тек
мен үшін бір-бірін жақсы көрген, менің разылығым
үшін жиналған, менің разылығым үшін бір-бірін зия-
рат еткен, менің разылығым үшін садақа беріп, игі
амал жасаған жан менің сүйіспеншілігіме бөленеді»,
– деді»115.
Мүмин бауырын жақсы көріп және сол сезімін
бүкпей айту116 - мұсылмандар арасындағы татулықтың
басты кепілі.
Имам Ғазалидің мұсылманның мұсылманда ақысы
ретінде осыны талап етуі жоғарыдағы хадистерден ба-
стау алып жатса керек. Сүйіспеншілік болмаған жерде
әуелі немкеттілік, сосын өкпе-реніш, кейін өшпенділік
орын алады. Мұсылман адам қалай болғанда да, бауыр-
ларын жақсы көруге, олардың да жағдайын ойлап, қиын
күндері қол ұшын беруі тиіс.
115 Муатта. Шар 16.
116 Әбу Дәуіт. Әдеп 113; Тирмизи. Зухд 54.