Ала жіпті аттама

116 / 216

116
Ала жіпті аттама
болғаныңда, олар міндетті түрде маңайыңнан та-
рап кетер еді» («Әли Имран» сүресі, 159-аят) аяты
аңғартады. Тағы бір аятта «Аллаһ тағала жақсылық
істеушілерді сүйеді» («Әли Имран» сүресі, 134-аят)
деген хабар бар.
Пайғамбарымыз (саллаллаһу аләйһи уә сәлләм) жақсы сөздің жа-
рым ырыс екенін төмендегі хадистерінде білдірген:
«Жарты құрма болса да, садақа беріп тозақтың
отынан сақтаныңдар. Бұған да шамасы жетпегені өзін
жақсы сөз арқылы қорғасын»123.
Әбу Хұрайрадан (р.а.) жеткен риуаятта
Пайғамбарымыз (саллаллаһу аләйһи уә сәлләм): «Жақсы лебіз –
садақа»124, – деген екен.
Әбу Зәрдан (р.а.) жеткен риуаятта Пайғамбарымыз
(саллаллаһу аләйһи уә сәлләм) былай дейді: «Діні бір бауырыңа жы-
миып қарау да жақсылық»125.
Басқа бір хадисте Пайғамбарымыз (саллаллаһу аләйһи уә
сәлләм): «Иманнан кейінгі даналықтың басы – адамдарға
сүйіспеншілік пен жақындық білдіру», – деген екен126.
Бір-біріне қабақ шытып, бір ауыз жылы сөз қимаған
мұсылмандардың ынтымағы кемиді, бірлігіне сызат
түседі. Сондықтан, бір-бірімізге жылы ұшырай қарап,
жылы-жылы сөйлейік, тату тірліктің ұйытқысы - береке-
бірлік екенін ұмытпайық.
123 Бұхари. Әдеп 34, Зекет 10, Риқақ 49, 51, Тәухид 36; Мүслим.
Зекет 66-70.
124 Бұхари. Әдеп 34, Жиһад 128; Мүслим. Зекет 56.
125 Мүслим. Бирр 144; Тирмизи. Әтғима 30, Бирр 45.
126 Ажлуни. Кәшфул Хафа 2/229.