120 / 216
120
Ала жіпті аттама
күнәсін жасырған, бірақ таң ата салысымен Аллаһтың
жасырғанын өзі әшкереледі»
133
.
Пайғамбарымыз
(саллаллаһу аләйһи уә сәлләм)
жасаған күнәсі
үшін жазаға тартылған әлдекімді бір сахабаның «Аллаһ
сені лағынет етсін» деп сөккенін естіп,
«Олай демеңдер,
бүйтіп шайтанға болыспаңдар»
134
деп ренжіген бола-
тын. Адамның айыбын бетіне басудың жаман екенін
осыдан-ақ білеміз.
Пайғамбарымыз
(саллаллаһу аләйһи уә сәлләм)
тағы бірде:
«Тың
тыңдаған адамның құлағына қиямет күні ерітілген
қорғасын құйылады»
, – деген екен.
Адамдардың ізін аңду, кем-кетігін шұқылау -
жиіркенішті қылық. Әсіресе, бүгінгі жариялылық
үстемдік құрған уақытта бұқаралық ақпарат құралдары
арқылы қоғам қайраткерлері мен саясаткерлердің, әртіс
пен әнші секілді халыққа танымал адамдардың жүрген-
тұрғанын жіпке тізіп, жеке өміріне қол сұғу - кісі ақысын
бұзудың ең сорақысы. Жеке мүдделері үшін адамдардың
немесе ұйымдардың ізін кесу, тыңшылық қызметке
жүгіну, не болмаса жасырын тыңдау құрылғыларын
орнатып қол жеткізген ақпар арқылы бопсалау да - кісі
ақысына нұқсан келтірудің бір түрі.
Дініміз адамдардың басқан ізін аңдып, жеке істерін
жария қылуға тыйым салады. Аллаһ тағала Құранда:
«Уа, мүминдер, бір-біріңді аңдымаңдар»
, – деген
(«Хужурат» сүресі, 12-аят). Келесі бір аят:
«Мүмин ер
адамдар мен мүмин әйелдерді жазықсыз кейіткендер
болса, олар мойындарына ауыр күнә жүктеп алды»
,
– дейді («Ахзаб» сүресі, 58-аят).
133
Бұхари. Әдеп 60; Мүслим. Зухд 52.
134
Бұхари. Худуд 4-5; Әбу Дәуіт. Худуд 35.