143 / 216
143
Мұсылманның бір-біріндегі ақысы
14. Жаман ойға қатысты кісі ақысынан
сақтану
Адамдардың абыройына нұқсан келтіретін, ар-
намысына тиетін сөз бен қылық кісі ақысын аяқ асты
ету екені белгілі. Құран кәрімнің түрлі аяттарында
жала, өсек-аяң, кекесін сөз, жаман ат тағу, келемеж-
деу, басқалардың кемшілігін іздеу секілді жағымсыз
іс-әрекеттерді сөгіп, одан аулақ болуға үндейді.
Аллаһ тағала «Хужурат» сүресінде:
«Уа,
мүміндер! Бір қауым басқа бір қауымды кемсітіп,
мазақтамасын. Өйткені, мазаққа ұшыраған қауым
өзін мазаққа айналдырған қауымнан әлдеқайда
жақсы болуы мүмкін. Сондай-ақ, әйелдер де бірін-
бірі мазақтамасын. Кім білсін, мазаққа ұшыраған
әйелдер оларды мазақ қылған әйелдерден әлдеқайда
қайырлы болуы мүмкін. Біріңе-бірің күйе жақпаңдар.
Өз-өздеріңе (яғни, мұсылмандар болып біріңе-
бірің) намысқа тиетін лақап ат қоймаңдар. Иман
келтіргеннен кейін пасық деген жамат атқа ие болу
нендей жаман. Кімде-кім тәубесіне келмесе, міне со-
лар өз-өздеріне қиянатшыл болғандар. Біріңді-бірің
ғайбаттамаңдар! Қайсыбірің өлген бауырының етін
жегенді қалайды? Әрине, бұдан жиіркенесіңдер. Енде-
ше, Аллаһтың (азабынан) қорқыңдар. Расында, Аллаһ
тағала (құлдарының) тәубесін қабыл етуші, ерекше
мейірімді»
(«Хужурат» сүресі, 11-12 аяттар).
Күмәннің, яғни долбардың, лақап сөзді сан-саққа
жүгіртудің де түр-түрі бар. Аллаһ тағала, оның Елшісі,
мүминдер, қала берді, бүкіл адамзат турасында тек
қана жақсы ойда болу мұсылман үшін жарасымды. Ал
адамдардың кем-кетігін тіміскілеп, үнемі сұмырай ойға
берілуі күнә. Айта кететін тағы бір жайт мұсылман адам