Ала жіпті аттама

152 / 216

152
Ала жіпті аттама
15. Аманатты орындау, уәдеде тұру
Аманатқа қиянат ету мен сертке селқостық таны-
ту кісі ақысын аяқ асты ету болып табылады. Хадисте
айтылған: «Мұнафықтың белгісі үшеу: өтірік айту,
уәдеде тұрмау, аманатқа қиянат жасау»197. Тағы бір
риуаятта «Ораза ұстап, намаз қылып, өзін мүмин деп
білсе де» деген сөз қоса айтылған198.
«Негізінен Аллаһ тағала сендерге аманат-
ты орындауларыңды және басшы бола қалсаңдар
әділдікпен билікжүргізулеріңді әмір етеді» дейді Құран
кәрім («Ниса» сүресі, 58-аят). Тағы бір аят: «Рас, ама-
натты (дінді) көк пен жерге және тауларға ұсындық.
Олар бұл жауапкершіліктен қорқып бас тартты.
Оны адам баласына жүктеді», – дейді («Ахзаб» сүресі,
72-аят).
Хузайфа ибнул Йеман (р.а.) мына бір оқиғаны баян
етеді: «Аллаһ елшісі (саллаллаһу аләйһи уә сәлләм) бізге екі нәрсе
туралы айтты. Бұлардың біреуін өз көзіммен көрдім,
екіншісін күтіп жүрмін. Пайғамбарымыз (саллаллаһу аләйһи уә
сәлләм) әуелі мынаны айтты: «Расында, аманат (адалдық)
адам жүрегінің түбіне тамыр жайып орнықты. Сосын
Құран түсті. Адамдар Құран мен сүннеттен аманат-
ты үйренді». Содан соң Аллаһ елшісі (саллаллаһу аләйһи уә сәлләм)
аманаттың (адалдықтың) жоғалатыны туралы айтты:
«Адам ұйқыдағы уақытта жүрегінен аманат суыры-
лып алынады, оның болмашы мөлшері ғана қалады. Со-
сын тағы бір ұйықтағанда жүрегінен аманат басы
бүтін алынады, бұл жолы аяғында домалатқан шоқтың
ізіндей ісінген дақ пайда болады», – Пайғамбарымыз
(саллаллаһу аләйһи уә сәлләм) қолына малта тастар алып аяғының
197 Бұхари. Иман 24; Мүслим. Иман 107-108.
198 Мүслим. Иман 109.