67 / 144
Құран аяттары мен хадистердегі ата-ананың ақысы
67
ма?» деп ойлады да намазын жалғастыруға шешім
қабылдады. Анасы қайта-қайта шақырды. Баласынан
жауап ала алмаған соң ең соңында «Аллаһым, балам
жаман пиғылды әйелдің кесірін көрмей қайтыс болма-
сын!» деп қарғады. Исраилұлдары өзара Жүрәйжтің
тақуалығын, құлшылығын әңгіме ететін. Сол өңірде
жаман жүріспен аты шыққан бір сұлу әйел бар еді.
Әлгі әйел: «Қаласаңдар, мен оны жолынан тайды-
рып берейін», – деді айналасындағыларға. Сөйтіп,
Жүрәйжтің басын айналдырмақ болды. БірақЖүрәйж
оған сыр бермеді. Сонда әйел бір қойшыға барды. Бұл
қойшы Жүрәйжтің шіркеуінің түбінде тұратын. Әлгі
әйел сол қойшыдан балатуып, баласынЖүрәйжтің ба-
ласы деп жария салды. Өз құлақтарына өздері сенбе-
ген халық ашумен Жүрәйжті шіркеуінен қуып шығып,
шіркеуді қиратып, өзін соққыға жықты. «Сендерге
не болған?» – деп сұрады Жүрәйж түкке түсінбей.
«Мына жезөкше туған баласының сенен екенін айта-
ды, бұған қалай дәтің барды!» – дейді ашулы халық.
Жүрәйж: «Бала қайда, оны маған алып келіңдер», –
дейді. Адамдар құндақтаулы нәрестені алып келеді.
Жүрәйж: «Мені босатыңдар, намазымды оқып
алайын», – дейді. Сөйтіп намазын оқиды. Намазын
бітіре сала нәрестенің қасына келіп: «Әй, бала, сенің
әкең кім?» – деп сұрайды. Сонда құндақтағы сәби:
«Пәленше деген қойшы», – деп жауап қатады. Мұны
естіген халық Жүрәйжке келіп: «Сенің шіркеуіңді
алтыннан соғамыз», – дейді. Жұрәйж болса: «Жоқ,
қажет емес, бұрынғыдай кірпіштен қалаңдар», –
дейді. Халық қайтадан шіркеу салады...»
63
.
63
Бухари.
Шәрикә. 35, Әнбиә. 48
; Муслим.
Бирр. 7,8