Дін мен діл 2

107 / 200

Дін мен Діл-2
107
көп қабатты тұрғын үйдің жобасын сызбайтыны тәрізді
«жүрек ілімі» бойынша арнайы «ижазаты» жоқ адамдар
да пірлік, мүршидтік қызметті атқара алмайды150.
Қожа Ахмет Йасауи бабамыз шейх болу үшін ең әуелі
оның ижазаты болуы қажет екендігі жайлы былай дейді:
«Одан кейін бір «ер»151 керек ирадетті152,
Болсын ол да бір ерден ижазатты153.
Шариғатқа сай болып кереметі,
Сондай ердің етегінен тұтмақ керек», – деп, пір болу
үшін «ижазаттың» қажет екенін білдірген.
Басқа бір хикметінде:
«Содан кейін, бір Ер керек бұған сардар,
Шариғаттың шеберлікпен жолын талдар,
Ондай ердің ғажап білгір болғаны абзал,
Сондай ердің айтқанынан шықпас керек», – деп,
шайхтың ең әуелі шариғат ғылымдарын терең меңгерген
болуы қажет екенін ескерткен.
Сондай-ақ, Құл Қожа Ахмет Йасауи жалған, білімсіз,
алаяқ пірсымақтардан былай деп сақтандырған:
«Шайхпын деп, ісіп кеуіп, Хақпен таласады,
Менмендікпен Тәңірдің сүйіктісі бола алмайды.
Өзі шірік, мұңсыздарға әулие болып,
Бұл дүниені момындарға зындан қылар», – десе, тағы
бір шумағында:
«Өзін шайх санайды, білімі жоқ,
Жиырма беске жетпей-ақ оның жасы.
Насихат айтар кәрі мен жасқа,
Айыра алмай тұрса да жақсы менен жаманды.
150 Абдул-Қадир Иса, Хақайқ анит-тасаууф, «Мұқаттам» баспасы, Каир,
2005ж. 63-64 беттер.
151 «Ер» деп бұл жерде мүршидтік дәрежеге жеткен адамды меңзеп
отыр.
152 Ирадетті – ерік-жігері мықты, қайратты.
153 Пір, мүршидтік қызмет атқаруға болады деген «рұқсатнама».