131 / 176
131
Намазға қатысты сұрақ-жауаптар
Олай болса, иманы бар пенделер бұл дүниеде
ешқашан да намазды тастамай, ислами бес парызды
кем-кетіксіз түгелімен орындауға тырысқан. Иман, ис-
лам және намаз бір-бірімен салалас, тығыз байланы-
сты.
Иманды адамның намазы оның Аллаһқа деген
шүкірі.
Өмірде адам баласының мұқтаждықтары аз
емес. Аллаһқа, ақырет пен мәңгілік жаннатқа мұқтаж.
Жаратушының кешірімі мен шексіз мейіріміне, барлық
рызық-несібелеріне мұқтаж. Өйткені, бізге Аллаһ
қана осыншама түгесілмес нығметтерді еш қарымсыз
үйіп-төгіп беруде. Аллаһ тағала бүкіл жан-жануарлар
мен жеміс-жидектерді біз үшін жаратты. Жануарлар
адамзатқа (еті, сүйегі және терісімен) қызмет етсе,
жеміс-жидектер жемістерімен ризығымызды артты-
руда. Осының барлығын көру үшін көз, есту үшін
құлақ, ойланып-түйсіну үшін ақыл берді. Өзгелерден
мәртебемізді биіктетіп, саналы етіп жаратты. Осынша
сансыз нығметтерінің қайтарымы үшін бар болғаны
бір Өзіне құлшылық жасауды әмір етті. Құлшылық –
Аллаһтың құлдарына міндеттеген парызы. Мұсылман
үшін иман келтіргеннен кейінгі парыз – намаз оқу.
Намаз – діннің тірегі. Бізге Ислам дініндегі ораза,
зекет, қажылық секілді парыздар періште арқылы жет-
кен. Намаздың Аллаһ тағаладан Пайғамбарымызға
(с.а.с.) тікелей Миғраж сапарында міндеттелуінің өзі
мәнді ақиқат. Хақ тағаланың намазды Миғраж түні
Пайғамбарымызды (с.а.с.) өз құзырына шақырып, та-
быстауы оның басқа ғибадаттардан ерекшелігін айқын
аңғартады
195
. Міне, сондықтан хадисте:
«Намаз –
мұсылманның миғражы
»
196
– делінген.
195
Бухари, Саләт, 1; Муслим, Иман, 263.
196
Тафсиру Хаққи 12/267.