Намаз – діннің діңгегі

14 / 176

14
Намаз – діннің діңгегі
«Сахабалардың бірі ең ізгі амалдың не екенін білуге
құмартады.
Сонда Пайғамбарымыз (с.а.с.): «Намаз», – деп жау-
ап қайтарады. Ізгі амал жасауға құштар сахаба:
– Намаздан кейінгісі қайсысы? – деп сұрайды.
Пайғамбарымыз бұған да:
– Намаз, – деп жауап қайырады. Үшінші мәрте
– Одан да абзалырағы бар ма? – деп сұрағанда,
Пайғамбарымыз (с.а.с.):
– Намаз, – деп жауап қайырады».
Пайғамбарымыз өзіне үш қайтара қойылған сұраққа
бір ғана «намаз» дей отырып, намаздың аса маңызды
құлшылық екенін ескерткен 13.
Демек, Аллаһқа иман келтірген пенденің ең
маңызды құлшылығы – намаз екенін осындай хади-
стерден аңғарамыз.
Бес уақыт намаздың Құрандағы орны
Құран кәрімде намаз жайлы бірнеше аяттарда ай-
тылады. Тіпті намаз оқығандар мадақталып14, намазға
жүрдім-бардым қараған мұнафықтардың мәңгілік
өкінішке тап болатыны ескертілген 15. Бұған қоса,
намаздың атаулары мен белгілі уақыттарда оқылу
керектігі де білдірілген 16. Мысалы, таң намазының атауы
«салатул-фәжр», құптан намазының атауы «салатул-
иша» деп атап көрсетілген17. Ал, қалған уақыттардағы
намаздар тұспалданып, ишаратпен айтылған.
13 Ю. Кандеһлеви,1431.
14 Әнғам, 92, Муминун, 9; Мәариж/22-23.
15 Маун, 5.
16 Ниса, 103.
17 Нур, 58.