111 / 462
(
111
¥ÛÇÌÅÒ
"ХИКМЕТ"
баспа үйі
сүйінішті хабарды жеткізді
(Уақиди, 95 бет)
.
***
Бір күні тіленшілердің бірі Хазірет Әлидің жанына келіп бір нәрсе
сұрады. Хазірет Әли (р.а.) ұлы Хасанға яки Хұсейнге қарап: «Шешеңе
барып, өзім беріп кеткен алты дирһамның біреуін алып кел», - деді. Ұлы
үйге барып, қайтып келіп: «Шешем ол алты дирһамға ұн аламын деп
айтты», - деді.
Хазірет Әли (р.а.): «Кез келген құл Аллаһтың құзырындағыға өз
қолындағыдан артық сенбесе, иманы кемелденбейді. Шешеңе бар. Әкем
алты дирһамның барлығын беріп жіберсін деп айтты де», - деп ұлын
қайта жіберді.
Хасан немесе Хұсейн үйге барып, алты дирһамды алып келіп, әкесіне
берді. Ол алты дирхамды түгелдей тіленшіге берді.
Хазірет Әли (р.а.) үйге беттеуі мұң-ақ екен түйесін сатуға келген бір
кісі қасынан шыға келді.
Әли (р.а.) оған қарап:
– Түйеңді қаншаға сатасың? - деп сұрады. Ол:
– Жүз қырық дирһамға, - деп жауап берді. Әли (р.а.) оған:
– Ақшасын кейінірек алу шартымен түйені есікке байла, - деді. Кісі
түйені есікке байлап, кетіп қалды. Сол сәтте басқа бір кісі келіп:
– Мына түйе кімдікі? - деп сұрады. Хазірет Әли (р.а.):
– Менмін, - деп жауап берді.
– Сатасың ба?
– Иә, сатамын.
– Қаншаға?
– Екі жүз дирһамға. Ол:
– Жарайды, келістік. Алдым, - деді.
Кісі екі жүз дирһам беріп, түйені алып кетті. Хазірет Әли (р.а.)
түйенің иесіне жүз қырық дирһам берді. Қалған алпыс дирһамды Хазірет
Фатимаға әкеліп берді. Хазірет Фатима анамыз: «Бұл қайдан келді?» -
деп сұрады.
Хазірет Әли (р.а.): «Бұл Аллаһтың Құран Кәрімде:
«Кімде-кім бір
жақсылық жасаса,
(жақсылығының сыйы)
оған он есе етіп беріледі»
деп айтып, Пайғамбары (с.а.у.) арқылы бізге уәде еткен сыйы», - деп
жауап берді.
***