168 / 462
¯ркениет ШЫ£ЫНДАªЫ ЖАУ³АРЛАР
(
168
Алтын ғасырдан қазіргі шағымызға дейін
"ХИКМЕТ"
баспа үйі
Бибі Айша (р.а.) былай деп әңгімелейді:
«Сағд ибн Муғаз Хәндәк ғазауатында қолының күре тамырынан
жараланды. Аллаһ Елшісі (с.а.у.) оған арнайы мешіттің ішінде шатыр
құрдырды. Ниеті, оны жиі-жиі көріп тұру, көңілін сұрау (оған жақын
болып, оның мұқтаждықтарымен айналысу) еді»
(Бұхари, Мағази 30)
.
***
Аллаһ Елшісіне (с.а.у.) қызмет ететін яһуди бір бала бар еді. Бір күні
ол сырқаттанып қалды. Пайғамбарымыз (с.а.у.) оның көңілін сұрап
шығу үшін үйіне жол тартты. Бас жағына отырып: «Мұсылман бол», -
деді. Бала жанында тұрған әкесіне қарады. Әкесі көптеген жылдар бойы
тек жақсылық пен игілік көріп келген Аллаһ Елшісін меңзеп: «Ұлым!
Әбулқасымның айтқанын орында», - деді. Бала мұсылмандықты қабыл
етті. Аллаһ Елшісі аурудың көңілін сұрап шыққаннан кейін: «Оны
тозақ отынан құтқарған Аллаһқа мадақ»,-деп шексіз қуанышын білдірді
(Бұхари, Жанайз 80)
.
***
Аллаһ Елшісі (с.а.у.) сырқаттанып қалған сахабаларына, шалдыққан
дертіне шипа болатын кейбір дұғаларды үйреткен еді. Солардың бірі
Осман ибн Әбул-Ас өзінің бойынан сезінген сыздауды Аллаһ Елшісіне
келіп айтты. Аллаһ Елшісі (с.а.у.):
«Денеңнің ауырып тұрған жеріне
қолыңды қойып, үш мәрте «бисмиллә» де, жеті мәрте:
«Менің бойымдағы бұл аурудың әрі сақтанып жүрген нәрселерімнің
жамандығынан Аллаһқа және Оның құдіретіне сыйынамын», - деп айт»,
- деді»
(Мүслим, Сәлем 67)
.
Пайғамбарымыздың (с.а.у.) бұл өсиетін мүлтіксіз орындаған Осман
ибн Әбул-Ас: «Аллаһ Елшісінің (с.а.у.) айтқанын толықтай жүзеге
асырдым. Аллаһ дертіме шипа берді. Бұдан кейін бұл дұғаны жанұяма
және өзге кісілерге насихат еттім», - дейді
(Әбу Дәуіт, Тыбб 19)
.
Сонымен қатар, дұғалар шын пейілділікпен және салих амалдармен
күшейтілуі қажет. Мінекей осындай ықыласпен етілген дұғалар,
Раббымыздың жомарттығы мен игілігінің саясында қабыл болады.
***
Абдулла ибн Аббас (р.а.) былай деп хикая етеді:
«Аллаһ Елшісі (с.а.у.) сырқаттанып қалған бір кісінің көңілін сұрап
шығу үшін, оның үйіне бет алды. Пайғамбарымыз (с.а.у.) оның бас
жағына отырып: «Не қалайсың?» - деп сұрады.