23 / 462
(
23
¥ÛÇÌÅÒ
"ХИКМЕТ"
баспа үйі
33-аят)
.
9
***
Пайғамбарымыздың (с.а.у.) елді Аллаһқа дағуат еткенде, бойында
болған бірнеше қасиетін көрсететін мына уақиғаға көз салайық.
Құрайыштықтар қадірлі кісісі Хұсайынға келіп: «Мына адаммен
біздің атымыздан сөйлесіп көрші. Ол тәңірлерімізге тіл тигізіп
жүр», - десті. Хұсайын келісіп, барлығы Аллаһ Елшісінің үйіне келді.
Мүшріктер есіктің аузында қалып қойып, ал Хұсайын ішке кірді. Аллаһ
Елшісі (с.а.у.) маңайындағыларға қарап: «Үлкен кісіге орын беріңдер»,
- деді. Хұсайынның мұсылмандықты қабыл еткен ұлы Имран бірнеше
жолдастарымен бірге сол жерде отырған болатын. Хұсайын Аллаһ
Елшісіне қарап: «Мына сен не айтып жүрсің? Тәңірлерімізді қабыл
етпейді екенсің. Онымен шектеліп қалмай оларға тіл тигізеді екенсің.
Әкең ақылды, игі кісі еді»,-деді.
Аллаһ Елшісі (с.а.у.): «Уа, Хұсайын! Қанша тәңірге табынасың?» -
деп сұрады.
– Жетісі жерде, біреуі көкте. Жалпы сегіз тәңірге табынамын.
– Басыңа іс туғанда қайсысына жалбарынасың?
– Көктегіге.
– Дүние-мүлкіңе жұт келгенде кімге жалбарынасың?
– Көктегіге.
– Сенің тілеулеріңді орындайтын тек бір тәңір бола тұра, неге
басқаларын оған серік етіп жүрсің? Шүкір етіп, оларды разы етемін деп
жүрсің бе? Әлде осылар менің түбіме жетеді-ау деп қорқып жүрсің бе?
– Жоқ!
Хұсайын осы күнге дейін Пайғамбарымыз (с.а.у.) секілді кісімен
сөйлеспегендігін аңғарды.
Аллаһ Елшісі (с.а.у.):
«Уа, Хұсайын! Мұсылман болып құтыл»
, - деді.
Хұсайын: «Қауымым мен туыстарым бар еді. Оларға не айтамын?», -
деп сұрады.
Пайғамбарымыз (с.а.у.): «Аллаһым! Ісімді кемелдендіру үшін сенен
жол көрсетуіңді сұраймын. Маған пайдасы тиетін білімімді көбейт!» деп
дұға ет!», - деді.
Хұсайын бұл дұғаны оқыды. Артынша мұсылмандықты қабыл етті.
9. Уақиди, Әбәбу Нузулил-Құран, Кәмал Бәсуни Зағлүл, Бейрут 1990, 219-бет; Тирмизи,
Тәпсір 6/3064.