248 / 462
(
248
¯ркениет ШЫ£ЫНДАªЫ ЖАУ³АРЛАР
Алтын ғасырдан қазіргі шағымызға дейін
"ХИКМЕТ"
баспа үйі
Аллаһ Елшісі (с.а.у.) сахабаларына қарап: «Сендер неге толық құқығы
бар адамды жақтамайсыңдар?» - деді.
Іле-шала Халуа бинти Қайысқа кісі жіберіп: «Сенде кепкен құрма
болса, менің қарызымды өтеп жіберші! Құрмамыз келгенде қарызыңды
өтейміз», - деп сәлем айтып жіберді.
Халуа (р.а.): «Әміріңізге құлдық! Әке-шешем жолыңа құрбан бол-
сын!» - деп қарызды сүйсіне өтеді.
Аллаһ Елшісі (с.а.у.) әлгі бәдәуидің қарызын өтеп, әрі ас әзірлетіп
мейман етті. (Бұл сыйға көңілі толған) бәдәуи: «Қарызыңды толық
өтедің. Аллаһ та саған мұның сыйын толық берсін», - деп дұға етті.
Аллаһ Елшісі (с.а.у.): «Міне осылар (яғни қарызын толық өтегендер)
адамдардың ең қайырлысы. Әлсіздері зұлымдыққа ұшырап, ақысын ала
алмаған қоғам Аллаһтың азабынан құтылмайды»
(Ибн Мәжә, Садақат 17)
.
Аллаһ Елшісі (с.а.у.) кейде қарызданып қалатын. Бұл қарыздар
төмендегі мына себептерден туатын:
а. Өзіне келген мұқтаж әрі пақыр жандардың мұқтаждықтарын өтеу
үшін айналысқандықтан.
ә. Адамзат баласына қарыздың қалай өтелу керектігін көрсету.
***
Нұғман ибн Башир былай деп әңгімелейді:
«Әкем мені Аллаһ Елшісіне (с.а.у.) ертіп апарды. Әкем оған қарап:
Мен бір құлымды, мына балама сыйға тарттым», - деді.
Аллаһ Елшісі (с.а.у.): «Мынаған сыйға тартқаныңды, өзге балаларыңа
да бердің бе?» - деп сұрады.
Ол: «Жоқ. Бермедім», - деп жауап қатты.
Аллаһ Елшісі (с.а.у.): «Олай болса, берген сыйлығыңды қайтып ал!» -
деді
(Бұхари, Хиба 12; Шәһадат 9; Мүслим, Хибат 9-18)
.
Басқа бір риуаятта Аллаһ Елшісі (с.а.у.): «Мұндай сыйлықты бар
балаңа тарту еттің бе?» - деп сұрайды.
Башир: «Жоқ! Бәрін бірдей тартпадым!» - деп жауап береді.
Аллаһ Елшісі (с.а.у.): «Аллаһтан қорқыңдар! Балаларыңның арасын-
да әділетті болыңдар!» - дейді. Мұны естіген Башир сыйлығын кері ала-
ды
(Мүслим, Хибат 13)
.
Тағы да басқа бір риуаятта Аллаһ Елшісі (с.а.у.) Баширге қарап:
Бұл сыйлығыңа менен басқа біреуді куә қыл», - дейді. Артынша оған:
«Балаларың саған жақсылық жасағанда бірдей жасауы сені қуанта ма?»
- деп сауал қояды.