265 / 360
265
Ерлі-зайыптылардың бір-біріне деген құқылары
«Раббың тек қана Өзіне құлшылық жасауды және
ата-анаға жақсылық жасауды әмір етті»
428
дейді.
Бір хадисте былайша айтылады: «Аллаһ елшісіне
(аләйһис-саләту уәс-сәләм)
әкесімен бірге бір адам келіп: «Уа,
Аллаһтың елшісі! Менің өзіме тиесілі малым бар. Сонымен
қатар малы бар әкем де бар. Сөйте тұра әкем менің ма-
лымды алғысы келеді», - дейді. Аллаһ елшісі сонда:
«Сен
де малың да әкеңдікі» деп жауап береді»
429
.
Ата-ананың баласынан нәпақа алуының шарттары
мынадай: Бұлардың кедей болулары тиіс. Нәпақа беретін
баласының немесе немересінің осыны беруге шамасы же-
туі тиіс. Бұл оның бай болуы, не жұмыс істеуге шамасы
болуы арқылы іске асады.
Жақын туыстарына нәпақа беруінің
шарттары
Бірінші:
Туысының кедей болуы керек. Немесе оның
мал-мүлкі болмауы, не жұмыс істеуге шамасы болмауы
керек. Яғни туысының кішкентай бала, кәрілік, не ақыл-есі
жарым сияқты себептері болуы керек. Әйтсе де ата-анасы
бұл қағидадан бөлек. Өйткені олар денсаулығы мықты
болып жұмыс істеуге шамалары жетсе де, оларға нәпақа
қолдауы жасалады. Ендеше ата-ана және әйелінен басқа
туыстары бай болса не болмаса жұмыс істеуге шамалары
жететін болса оларға нәпақа беру қажет емес.
Екінші:
Нәпақа беретін адамның бай немесе жұмыс
істеп табыс табу тұрғысынан кедей туысының күн көрісін
қамтамасыз ететіндей жағдайда болуы тиіс. Бірақ ата-ана,
428
«Исра» сүресі, 23.
429
Ханбәл, 2 том. 179.