Пайғамбарлар тарихы

303 / 352

303
Адамзаттың асылы – хазірет Mұхаммед (с.а.с.)
Мен Әбу Жәһилден:
– Расында, сен оған сенесің бе? – деп сұрадым. Ол
сонда:
– Негізінде, оның пайғамбар екенін білемін.
Бірақ Хашимилармен396 бұрыннан бері арамызда бір
бақталастық бар. Олар рифадә397, сиқайә398 бізде деп
ұдайы мақтанады. Енді «пайғамбар да бізден шықты»
десе, онда бұған төзе алмаймын», – деді»… 399
ТағыбіржолыӘбуЖәһилСафажотасының етегінде
тұрған Пайғамбарымызды (с.а.с.) сүйектен өтетін ауыр
сөздермен балағаттайды. Мұны естіген Хамза400 әуелі
Әбу Жәһилдің сазайын береді. Артынша өзі де тілін
кәлимаға келтіріп, мұсылмандықты қабылдайды401.
Бірінші Ақаба серті
621 жылы Меккеге қажылық жасауға келген
Мәдиналық Хазраж тайпасының мына алты адамы:
Әсад ибн Зүрара, Рафи ибн Малик, Ауф ибн Харис,
Құтба ибн Амир, Ұқба ибн Амр, Харис ибн Абдуллаһ
мұсылмандықты қабылдайды. Олар Мәдинаға қайтып
оралғаннан кейін Ислам дінін жаяды. Олардың өтініші
бойынша Пайғамбарымыз (с.а.с.) Мәдина халқына
Құран үйретуді Мусғаб ибн Умайр мен Абдуллаһ ибн
Уммиге тапсырды.
396 Пайғамбардың руы
397 Қараңғылық дәуірде кедей қажыларға ақша, азық-түлік, т.б.
тарату
398 Сол дәуірде қажыларға су тарату
399 Алауиддин Али әл-Муттақи әл-Һинди, Кәнзу’л-Уммал, 14/39-
40; Ибн Кәсир, әл-Бидәйа, 3/83.
400 Пайғамбарымыздың (с.а.с.) көкесі
401 Ибн Хишам, Сира, 2\129