314 / 352
314
Пайғамбарлар тарихы
біріктіріп, он мыңдық әскермен Мәдинаға жорыққа ат-
танды.
Мұны естіген Пайғамбарымыз (с.а.с.) сахабалары-
мен ақылдасады. Нәтижеде Салман Фарисидің пікірін
мақұл көреді. Қаланы айналдыра ор қазады. Мүшріктер
қалаға жақындағанда ор қазылып біткен еді.
Шайқастың алдында әдеттегіше батырлар жекпе-
жек күш сынасады. Жау жағынан батырлығымен та-
нымал Амр ибн Абди Уәдд ортаға шығады. Әуелгіде
онымен шайқасуға ешкімнің батылы жете қоймайды.
Сол кезде қаһарман Әли (р.а.) Аллаһ елшісінен рұқсат
сұрап онымен жекпе-жек шайқасады.
Шайқас Әлидің (р.а.) жеңісімен аяқталады. Амрдың
өлі денесін көрген дұшпан мұсылмандардан кәдімгідей
сескеніп қалады.
Меккеліктердің Мәдинаға шабуылы кезінде
мұсылмандарға қарсы әрекетке бармаймыз деп ант-су
ішкен Құрайза яһудилері арадағы келісімді бұзып,
мұсылмандарға қарсы жақтың қатарын толықтыра
түсті.
Екі жақ та бір-бірін ала алмай, шайқас ұзаққа созы-
лады. Бұлшайқастанмеккеліктер мезі болады. Бұл кезде
Ғатафан руынан Нуайм өз еркімен мұсылмандықты
қабылдайды. Ол Пайғамбарымызбен жасырын кездесіп,
жауды іштен ірітіп бір-біріне қарсы қоя алатындығын
айтады. Пайғамбарымыздан келісім алған соң құрайза
яһудилеріне келіп былай дейді: «Меккеліктер бұл
жерде ұзақ қалмайды. Олар кетісімен Мұхаммед сен-
дерді өлтіреді. Сондықтан сақтық үшін құрайыштан
кепілдікке адам сұраңдар. Кепілдер қастарыңда болса,
олар оңайлықпен кете алмайды».