101 / 208
101
Тақуалық тәмсілдер
– деп жауап береді. Аллаһ тағала бұл жауапты естігенде,
«Әй, ақыл, сенен асқан абыройлы нәрсе жаратпадым»,
– дейді.
Нәпсіні жаратқан кезінде оған да: «Әй, нәпсі, бері
қара!» – деп бұйырады. Бірақ нәпсі қарағысы келмейді.
Аллаһ тағаланың «Мен кіммін? Сен кімсің?» – деп
сұрағына: «Сен сенсің, мен менмін», – деп тәкаппарлана
жауап береді. Бұны естігенде Аллаһ тағала оны тозаққа
салып жазалайды. Жүз жылдан кейін шығарып алып әлгі
сұрақты қойғанда, ол баяғы қырсық жауабынан танбай-
ды. Аллаһ тағала оны енді аштықпен жазалайды. Жүз
жылдан кейін шақырғанда, ол өзінде ешқандай құдірет
жоқтығын мойындап: «Сен менің Жаратушы иемсің,
мен сенің әлсіз құлың екенмін», – деп жауап береді.
Аллаһ тағала осыдан кейін нәпсіні тәрбиелеу үшін
оған ораза ұстауға міндетті қылады.
«Үмітсіз – шайтан»
Баяғыда әкелі-балалы екеу болыпты. Қанша
тәрбиелесе де, жағымсыз қылықтан алшақ болу-
ды үйретсе де қайталана беретін баласының сотқар
қылықтары әкесінің жанына батады екен. Бірде бала
аяқасты қатты науқастаныпты. Әкесі қолдан келгенін ая-
нып қалмағанмен, ұлының жағдайы күннен күнге нашар-
лай береді. Перзентінің сотқар қалпынан түзелмегеніне
іштей налыған әкесі:
– Ұлым-ау, алда-жалда олай-бұлай болып кетсең
жағдайың не болмақ? Қиқар мінезіңді де түзеп
үлгірмедің, – депті ақыретін уайымдап. Сонда баласы:
– Әке, сіз не десеңіз де, мен зор үміттімін. Аллаһ
мейірімділердің ең мейірімдісі емес пе? – дейді өзіне
сенімді үнмен.